एकिकडे बॉर्डर-गावसकर ट्रॉफी सुरू असतानाच इंडियन प्रीमियर लीग स्पर्धेबाबत मोठी अपडेट समोर आली आहे. भारतीय क्रिकेट नियामक मंडळाने (BCCI) पुढील तीन हंगामांच्या तारखा जाहीर केल्या आहेत.
आयपीएल २०२५ हंगामाचा लिलाव २४ आणि २५ नोव्हेंबर रोजी पार पडणार आहे. अशात या लिलावाच्या दोन दिवसआधीच पुढील तीन हंगामाच्या तारखा समोर आल्या आहेत.
क्रिकबझने दिलेल्या वृत्तानुसार बीसीसीआयने शुक्रवारी सकाळी बीसीसीआयने फ्रँचायझींशी संपर्क साधला आहे. बीसीसीआयने कळवलेल्या तारखांनुसार आयपीएल २०२५ स्पर्धा १४ मार्च ते २५ मे दरम्यान खेळवली जाणार आहे.
तसेच आयपीएल २०२६ स्पर्धा १५ मार्च ते ३१ मे दरम्यान खेळवली जाणार आहे. त्याचबरोबर आयपीएल २०२७ स्पर्धा १४ मार्च ते ३० मे दरम्यान खेळवली जाणार आहे.
