Jay Shah on Upcoming IPL 2025 Season: इंडियन प्रीमियर लीग २०२५ स्पर्धा पुढीलवर्षी खेळवण्यात येणार आहे. पण त्याआधी मेगा ऑक्शन होणार आहे. तसेच आयपीएलच्या या नव्या हंगामात काही बदल होण्याचीही शक्यता आहेत. याबाबत बीसीसीआयचे सचिव जय शाह यांनी भाष्य केले आहे.
आयपीएलमध्ये २०२३ आणि २०२४ या दोन वर्षी झालेल्या हंगामात इम्पॅक्ट प्लेअर हा नियम वापरण्यात आला होता. यामुळे एका जादा खेळाडूला संघात खेळवता येत होते. पण या नियमावर गेल्या काही महिन्यांत मोठ्या प्रमाणात टीका झाली. रोहित शर्मानेही त्यावर नाराजी व्यक्त केली होती. त्यामुळे कदाचित या नियमावर फेरविचार केला जाण्याची शक्यता आहे.
