Ben Stokes to skip IPL 2025 : इंडियन प्रीमिअर लीग २०२५ च्या मेगा ऑक्शनची तयारी अंतिम टप्प्यात आली आहे. १० फ्रँचायझीने त्यांच्या संघात कायम राखलेल्या खेळाडूंची नावे IPL कडे सोपवली आहेत. त्यानंतर आता ऋषभ पंत, लोकेश राहुल, श्रेयस अय्यर यांच्यासह बरेच मोठे खेळाडू मेगा ऑक्शनमध्ये उतरणार आहेत, हे स्पष्ट झाले आहे. २४-२५ नोव्हेंबरला मेगा ऑक्शन होणार आहे. पण, इंग्लंडचा कसोटी संघाचा कर्णधार बेन स्टोक्स आयपीएल ऑक्शनमध्ये सहभाग न घेण्याच्या विचारात आहे. इंग्लंड क्रिकेट संघाचे व्यग्र वेळापत्रक आणि कसोटी क्रिकेटला प्राधान्य देण्यासाठी बेन स्टोक्स हा निर्णय घेऊ शकतो.