Sunil Gavaskar IND vs AUS : भारत-ऑस्ट्रेलिया यांच्यातल्या पाच सामन्यांच्या कसोटी सामन्याची सर्वांना उत्सुकता लागली आहे. घरच्या मैदानावर न्यूझीलंडकडून दारूण पराभव पत्करणारा भारतीय संघ ऑस्ट्रेलियात कशी कामगिरी करतो, याची उत्कंठा आहे. कर्णधार रोहित शर्मा वैयक्तिक कारणामुळे पहिल्या कसोटीला मुकणार हे स्पष्ट झाले आहे. मुख्य प्रशिक्षक गौतम गंभीर याने कालच पत्रकार परिषदेतून तसे अप्रत्यक्ष संकेत देताना जसप्रीत बुमराह नेतृत्व करेल, असे सांगितले आहे. पण, या दौऱ्यावर टीम इंडियाकडून होत असलेली एक चूक माजी कर्णधार सुनील गावस्कर यांच्या रागात भर पडणारी ठरतेय.