India Tour of Australia 2024-25: भारतीय कसोटी संघाला काही दिवसांपूर्वीच न्यूझीलंडविरुद्ध ३ सामन्यांच्या कसोटी मालिकेत ०-३ असा पराभव स्वीकारावा लागला. त्यामुळे भारतीय संघासमोरील वर्ल्ड टेस्ट चॅम्पियनशीप २०२३-२५ स्पर्धेच्या अंतिम सामन्यापर्यंत पोहचण्याचा मार्ग कठीण झाला आहे.
त्यातच आता भारताला ऑस्ट्रेलिया दौऱ्यावर जायचे आहे. तिथे भारताला बॉर्डर-गावसकर ही ५ सामन्यांची कसोटी मालिका खेळायची आहे. या मालिकेसाठी भारताचा संघ यापूर्वीच जाहीर झाला आहे. ऑस्ट्रेलिया आणि भारत संघात २२ नोव्हेंबरपासून कसोटी मालिकेला सुरूवात होत आहे.
त्यामुळे आता केवळ १२ दिवस राहिलेल्या या मालिकेसाठी भारतीय संघ ऑस्ट्रेलियाला रवाना होत आहे. अशातच आता एक महत्त्वाची बातमी समोर आली आहे. भारताचा कसोटी कर्णधार रोहित शर्मा भारतीय संघासोबत ऑस्ट्रेलियाला जाणार नाही.
