Chennai Super Kings in IPL 2025 Auction: इंडियन प्रीमियर लीग २०२५ हंगामाची उत्सुकता सध्या क्रिकेट चाहत्यांमध्ये दिसून येत आहे. पण त्याआधी रियाधमध्या २४ आणि २५ नोव्हेंबर रोजी मेगा ऑक्शन होणार आहे. या लिलावात अनेक मोठे चेहरे दिसणार आहेत. कारण काही दिवसांपूर्वीच रिटेंशन पार पडलं, ज्यामध्ये अनेक संघांनी त्यांच्या स्टार खेळाडूंना रिटेन न करता रिलीज करण्याचा निर्णय घेतला.
त्यामुळे यंद्याच्या लिलावात ऋषभ पंत, श्रेयस अय्यर, केएल राहुल, इशान किशन अशी अनेक मोठी नावं दिसणार आहेत. त्यामुळे कोणता संघ कोणत्या खेळाडूला टार्गेट करू शकतो, याबाबतही चर्चा सुरू झाली आहे.
यातच अशीही चर्चा आहे की पाच वेळचा विजेता चेन्नई सुपर किंग्स संघ ऋषभ पंतला संघात घेण्यासाठी प्रयत्नशील असू शकतो. काही रिपोर्ट्सच्या मते चेन्नईकडून ऋषभ पंतवर मोठी बोली लागू शकते.
