WPL 2025 Danni Wyatt - Hodge - इंडियन प्रीमिअर लीगच्या पुढील पर्वासाठी मेगा ऑक्शन होणार आहे आणि त्यासाठी फ्रँचायझीला रिटेन केलेल्या खेळाडूंची यादी उद्यापर्यंत जाहीर करायची आहे. रॉयल चॅलेंजर्स बंगळुरू ( RCB) विराट कोहलीला कायम राखतील हे पक्कं आहे. पण, उर्वरित खेळाडू कोण, याचीही उत्सुकता आहेच. मात्र, त्याआधी RCB फ्रँचायझींने चाहत्यांना आनंदाची बातमी दिली आहे. महिला प्रीमिअर लीग २०२५ साठी RCB ने इंग्लंडची आक्रमक सलामीवीर डॅनी वॅट-हॉज ( Danni Wyatt-Hodge) हिला यूपी वॉरियर्सकडून ट्रेड करून आपल्या ताफ्यात घेतले आहे. डॅनी पुढील पर्वात बंगळुरूसाठी सलामीला खेळताना दिसणार आहे. १० वर्षांपूर्वी डॅनीने सोशल मीडिया अकाऊंटवर विराट कोहलीला प्रपोज केलं होतं. ती नेहमी RCB फ्रँचायझीला चिअर करताना दिसली आहे. आता ती याच संघाकडून खेळणार आहे.