Australia vs India Test: भारतीय क्रिकेट संघ नोव्हेंबर महिन्यात ऑस्ट्रेलिया दौऱ्यावर जाणार आहे. या दौऱ्यात भारताला २२ नोव्हेंबरपासून ५ सामन्यांची कसोटी मालिका खेळायची आहे. आता या मालिकेला अवघा एक महिना राहिलेला असताना या बहुप्रतिक्षित मालिकेबाबत चर्चांना सुरूवात झाली आहे.
ऑस्ट्रेलियाचेही संघसंमिश्रण कसे असेल, यावर चर्चा सुरू आहेत. यातच आता माजी सलामीवीर डेव्हिड वॉर्नरबाबात मोठी अपडेट समोर येत आहे.
वॉर्नरने गेल्यावर्षी आंतरराष्ट्रीय क्रिकेटमधून निवृत्तीची घोषणा केली होती, ज्यानंतर त्याने यावर्षी जानेवारीमध्ये सिडनीत पाकिस्तानविरुद्ध अखेरचा कसोटी सामना खेळला होता. दरम्यान, वॉर्नर निवृत्त झाल्यानंतर स्टीव्ह स्मिथने उस्मान ख्वाजासह सलामीला फलंदाजी केली. मात्र, त्याला सलामीला फारसं यश मिळालं नाही.
