IPL 2025 Auction: गुरुवारी (३१ ऑक्टोबर) इंडियन प्रीमियर लीग २०२५ लिलावापूर्वी सर्व फ्रँचायझींनी संघात रिटेन केलेल्या खेळाडूंची नावं जाहीर केली. त्यामुळे बऱ्यात संघांनी अनेक स्टार खेळाडूंना रिलीज केल्याचंही दिसून आले, यामध्ये बऱ्याच संघांचे कर्णधारही होते.
अशाच संघात आयपीएल २०२४ विजेत्या कोलकाता नाईट रायडर्सचा समावेश आहे. कोलकाता संघांने त्यांचा आयपीएल ट्रॉफी विजेता कर्णधार श्रेयस अय्यरला करारमुक्त केले आहे. परस्पर संमतीने हा निर्णय घेतला असल्याचे कोलकाताचे सीईओ वेंकी म्हैसूर यांनी स्पष्ट केले.
कोलकाताने श्रेयस अय्यरला रिटेन न करताना सुनील नरेन, आंद्रे रसेल, रिंकु सिंग, रमणदीप सिंग, हर्षित राणा आणि वरूण चक्रवर्ती या सहा खेळाडूंना रिटेन करण्याचा निर्णय घेतला आहे. श्रेयस अय्यर गेल्या काही २०२२ पासून या संघाचे नेतृत्व करत होता.
