India B won by 76 Runs against India A: दुलीप ट्रॉफी २०२४-२५ स्पर्धा सध्या सुरू असून पहिली फेरी पार पडली आहे. पहिल्या फेरीतील दोन्ही सामने अत्यंत रोमांचक झाले. पहिल्या फेरीच्या चौथ्या दिवशी (८ सप्टेंबर) इंडिया बी संघाने शुभमन गिल कर्णधार असलेल्या इंडिया ए संघाला ७६ धावांनी पराभूत केले.
विशेष म्हणजे कर्णधार गिलचा रविवारी २५ वा वाढदिवस आहे, मात्र त्याला याच दिवशी पगराभवाचा सामना करावा लागला आहे. यामुळे अभिमन्यू ईश्वरन कर्णधार असलेल्या इंडिया बी संघाला विजयाचे ६ गुण मिळाले आहेत.
यापूर्वी पहिल्या फेरीच्या तिसऱ्या दिवशी ऋतुराज गायकवाडच्या नेतृत्वा इंडिया सी संघाने इंडिया डी संघाला ४ विकेट्सने पराभूत केले होते. त्यामुळे इंडिया सी संघाकडेही ६ गुण आहेत.
