Duleep Trophy 2024-25 Schedule: भारतातील देशांतर्गत क्रिकेटच्या २०२४-२५ हंगामाला सप्टेंबरमध्ये सुरुवात होणार आहे. दुलीप ट्रॉफी या प्रथम श्रेणीच्या स्पर्धेपासून या हंगामाला सुरुवात होत आहे. ५ सप्टेंबरपासून दुलीप ट्रॉफी खेळवली जाणार असून यासाठी बीसीसीआयने बुधवारी पहिल्या फेरीसाठी ए, बी, सी आणि डी संघांची घोषणा केली आहे.
या स्पर्धेत अनेक मोठे खेळाडू खेळताना दिसणार आहेत. १९ सप्टेंबरपासून भारताची बांगलादेशविरुद्ध कसोटी मालिका सुरु होणार आहे. त्यादृष्टीने ही स्पर्धा महत्त्वाची मानली जात आहे.
दरम्यान, पहिली फेरीतील एक सामना बंगळुरूला आणि दुसरा सामना अनंतपूरला होणार आहे. त्यानंतर दुसऱ्या आणि तिसऱ्या फेरीतील सामने अनंतपूरलाच होणार आहेत.
