DULEEP TROPHY UPDATES: मोहम्मद सिराज आजारी पडला, रवींद्र जडेजाची माघार; नेमकं घडतंय काय?

Duleep Trophy 2024-25 Updates revised squads:

५ सप्टेंबरपासून सुरू होणाऱ्या दुलीप ट्रॉफीच्या पहिल्या राऊंडसाठी संघात बदल झाले आहेत. निवड समितीने आज संघात काही बदल असल्याचे जाहीर केले. जलदगती गोलंदाज नवदीप सैनी याची ब संघात एन्ट्री झाली आहे. मोहम्मद सिराज आजारी पडल्यामुळे तो खेळणार नाही, तर उम्रान मलिकच्या जागी क संघात गौरव यादवची निवड झाली आहे. उम्रानही आजारी पडला आहे आणि तोही सिराजसह दुलीप ट्रॉफीत खेळण्याची शक्यता कमी आहे.

अष्टपैलू खेळाडू रवींद्र जडेजा याला ब संघातून रिलीज केले गेले आहे. ५ सप्टेंबरपासून ही स्पर्धा सुरू होणार आहे आणि स्पर्धेतील सामने आंध्रप्रदेश व बंगळुरू येथे होतील.

सुधारित संघ -

भारत अ - शुभमन गिल ( कर्णधार), मयांक अग्रवाल, रियान पराग, ध्रुव जुरेल ( यष्टिरक्षक), लोकेश राहुल, तिलक वर्मा, शिवम दुबे, तनुष कोटियन, कुलदीप यादव, आकाश दीप, प्रसिद्ध कृष्णा, खलील अहमद, आवेश खान, विद्वथ कवेरप्पा, कुमार कुशाग्र, शास्वत रावत

भारत ब - अभिमन्यू इश्वरन ( कर्णधार), यशस्वी जैस्वाल, सर्फराज खान, ऋषभ पंत, मुशीर खान, नितीश कुमार रेड्डी, वॉशिंग्टन सुंदर, नवदीप सैनी, यश दयाल, मुकेश कुमार, राहुल चहर, आर साई किशोर, मोहित अवस्थी, एन जगदीसन

भारत क - ऋतुराज गायकवाड ( कर्णधार), साई सुदर्शन, रजत पाटीदार, अभिषेक पोरेल, सूर्यकुमार यादव, बी इंद्रजित, हृतिक शोकीन, मानव सुतार, गौरव यादव, वैशाक विजयकुमार, अंशूल खंबोज, हिमांशू चौहान, मयांक मार्कंडे, आर्यन जुयाल, संदीप वॉरियर्स

भारत ड - श्रेयस अय्यर ( कर्णधार), अथर्व तायडे, यश दुबे, देवजत्त पडिक्कल, इशान किशन, रिकी भूई, सारांश जैन, अक्षर पटेल, अर्शदीप सिंग, आदित्य ठाकरे, हर्षित राणा, तुषार देशपांडे, आकाश सेनगुप्ता, केएस भरत, सौरभ कुमार

नोट - नितीश कुमार रेड्डीचं दुलीप करंडक खेळणे हे त्याच्या फिटनेसवर अवलंबून आहे.