Duleep Trophy 2024 Tilak Varma: दुलीप ट्रॉफी २०२४-२५ हंगामाच्या दुसऱ्या फेरीत मुंबई इंडियन्सच्या इशान किशन, तिलक वर्मा व अंशूल कंबोज यांनी दम दाखवला. इशानपाठोपाठ तिलकनेही त्याच्या संघासाठी शतकी खेळी केली. भारत अ संघाकडून खेळणाऱ्या तिलकने १९३ चेंडूंत ९ चौकारांच्या मदतीने १११ धावांची नाबाद खेळी केली. त्याला शाश्वत रावतची ( ६४*) चांगली साथ मिळाली. भारताच्या बांगलादेशविरुद्धच्या दुसऱ्या कसोटीसाठी संघ अजून निवडलेला नाही आणि ही कामगिरी त्यादृष्टीने महत्त्वाची ठरतेय.