Duleep Trophy 2024, India B vs India C: दुलीप ट्रॉफी २०२४ स्पर्धेतील दुसरी फेरी रविवारी संपली. दुसऱ्या फेरीत इंडिया बी विरुद्ध इंडिया सी असा सामना सामना झाला. चौथ्या दिवसाच्या खेळानंतर हा सामना अनिर्णित राहिला आहे.
मात्र पहिल्या डावात आघाडी मिळवल्याने ऋतुराज गायकवाड कर्णधार असलेल्या इंडिया सी संघाला ३ गुण मिळाले आहेत, तर इंडिया बी संघाला केवळ १ गुण मिळाला आहे. यामुळे सध्या दुसर्‍या फेरीनंतर इंडिया सी संघ गुणतालिकेत ९ गुणांसह अव्वल क्रमांकावर आहे.
इंडिया सी संघाने पहिल्या सामन्यातही इंडिया डी संघाला पराभूत केले होते. त्यामुळे आता जर इंडिया सी संघाने तिसऱ्या सामन्यात इंडिया ए संघाला पराभूत केले, तर ते त्यांचं नाव विजेतेपदाच्या ट्रॉफीवर नक्कीच कोरतील. कारण तसं झाल्यास त्यांचे १५ गुण होतील. १५ गुणांपर्यंत इतर तीन संघ पोहचू शकत नाहीत.
