Duleep Trophy 2024 Shreyas Iyer catch: दुलीप ट्रॉफीच्या दुसऱ्या फेरीत आतापर्यंत इशान किशन, बाबा इंद्रजित, मानव सुथार यांनी आपली चमक दाखवली. पण, ज्या खेळाडूवर सर्वांचे लक्ष होते, त्या श्रेयस अय्यर व संजू सॅमसन यांनी निराश केले. भारत ड संघाचा कर्णधार श्रेयस अय्यर फलंदाजीत अपयशी ठरला. खलील अहमदने त्याला भोपळ्यावर माघारी पाठवले आणि त्यामुळे भारत ड संघ ढेपाळला. देवदत्त पड्डिकल एकटा लढला. पण, भारत अ संघाने पहिल्या डावात १०७ धावांची आघाडी घेतली. त्यात आणखी भर टाकली आहे.