.jpg?w=480&auto=format%2Ccompress&fit=max)
England vs Sri Lanka 3rd Test : श्रीलंका क्रिकेट संघाने इंग्लंडला सोमवारी (९ सप्टेंबर) कसोटी मालिकेतील तिसऱ्या आणि अखेरच्या सामन्यात ८ विकेट्सने पराभूत केले. या विजयासह श्रीलंकेने व्हाईटवॉश टाळला. दरम्यान, या मालिकेतील पहिले दोन्ही सामने जिंकून इंग्लंडने आधीच मालिका विजय निश्चित केला होता.
मात्र ही मालिका वर्ल्ड टेस्ट चॅम्पियनशीपचाही भाग असल्याने तिसरा सामनाही दोन्ही संघांसाठी महत्त्वाचा होता. अशात तिसऱ्या कसोटीत पराभूत झाल्याचा मोठा फटका इंग्लंडला बसला आहे.
या पराभवानंतर इंग्लंड वर्ल्ड टेस्ट चॅम्पियनशीप २०२३-२५ स्पर्धेच्या गुणतालिकेत पाचव्यावरून सहाव्या क्रमांकावर घसरले आहेत. त्यांना श्रीलंकेनेच मागे टाकले आहे.
