Virat Kohli and Tejashwi Yadav Fact Check: क्रिकेट खेळलेले अनेक खेळाडू निवृत्तीनंतर राजकारणाच्या मैदानात उतरलेले दिसले आहेत. यामध्ये तेजस्वी यादव यांचाही समावेश आहे. जेष्ठ नेते लालू प्रसाद यादव यांचे सुपूत्र असणारे तेजस्वी यादव क्रिकेटपटूही होते, हे अनेकांना माहित नाही. याचबाबत त्यांचा व्हिडिओ सध्या व्हायरल होत आहे.
तेजस्वी यादव यांचा जो व्हिडिओ व्हायरल होत आहे, त्यात त्यांनी झी चॅनेलला मुलाखत दिल्याचे दिसत आहे.
ज्यात त्यांनी म्हटलंय की 'मी एक क्रिकेटपटू होतो, पण आता त्याबद्दल कोणीही चर्चा करत नाही. विराट कोहली देखील माझ्या नेतृत्वात खेळला आहे, याबद्दल कोणी बोलत नाही. मी व्यावसायिक क्रिकेटपटू म्हणून चांगले क्रिकेट खेळले आहे. भारतीय संघातील अनेक खेळाडू माझे बॅचमेट राहिले आहेत. मला क्रिकेट सोडावं लागलं कारण माझ्या दोन्ही लिगामेंटमध्ये फ्रॅक्चर झाले होते.'
