Gautam Gambhir Head Coach : ट्वेंटी-२० वर्ल्ड कप विजयानंतर टीम इंडियाच्या मुख्य प्रशिक्षक पदाची जबाबदारी गौतम गंभीरच्या खांद्यावर आली. टीम इंडियासोबतच्या पहिल्याच दौऱ्यावर वन डे मालिकेत हार पत्करावी लागली. २७ वर्षांनंतर भारतीय संघ श्रीलंकेकडून वन डे मालिकेत हरला... त्यानंतर आता नुकतीच न्यूझीलंडविरुद्धची मालिका लाजीरवाण्या पद्धतीने भारताने गमावली. घरच्या मैदानावर प्रथमच कसोटीत ३-० असा पराभव भारताचा झाला. मुख्य प्रशिक्षक होण्यापूर्वी गौतमच्या सर्व मागण्या बीसीसीआयने मान्य केल्या, त्याने सपोर्ट स्टाफमध्ये KKR चा स्टाफ भरला. पण, अपेक्षित निकाल मिळवून देण्यात तो अपयशी ठरल्याने टीका होत आहे. त्यात माजी कर्णधार महेंद्रसिंग धोनीचा ( MS Dhoni) एक व्हिडीओ सोशल मीडियावर व्हायरल झाला आहे. गौतम गंभीरकडून काही होणार नाही, मला टीम इंडियासाठी पुनरागमन करावं लागेल, असा दावा या व्हिडीओत धोनी करताना दिसतोय...