India Tour of Australia : भारत-ऑस्ट्रेलिया यांच्यात होणाऱ्या बॉर्डर गावस्कर ट्रॉफीची सर्वांना उत्सुकता आहे. जागतिक कसोटी अजिंक्यपद स्पर्धेची फायनल खेळण्यासाठी भारताला हा दौरा गाजवावा लागणार आहे. न्यूझीलंडविरुद्ध घरच्या मैदानावर झालेल्या ३-० अशा मानहानिकारक पराभवामुळे टीम इंडियाचे समीकरण बिघडले आहे. WTC Standing मध्ये अव्वल स्थानावर असलेला भारतीय संघ किवी मालिकेनंतर दुसऱ्या स्थानी घसरला. त्यामुळे ऑस्ट्रेलिया दौऱ्यावर भारताला ४-० असा विजय मिळवणे गरजेचा आहे. रोहित शर्मा, विराट कोहली, लोकेश राहुल या सीनियर्स खेळाडूंच्या कामगिरीवर सर्वांचे लक्ष लागले आहे. या तिघांनाही मागील काही कसोटी सामन्यांत फार चांगली कामगिरी करता आलेली नाही.