Rohit Sharma will retire from Test : बांगलादेशविरुद्धच्या कसोटीत निर्विवाद वर्चस्व गाजवणाऱ्या भारतीय संघाला न्यूझीलंडने घरच्या मैदानावर चंद्र तारे दाखवले. बांगलादेशविरुद्धच्या विजयामुळे रोहित शर्मा व विराट कोहली यांचे अपयश झाकोळले गेले होते, परंतु न्यूझीलंडच्या पराभवाने ते अधोरेखित झाले. आता त्यांच्या कामगिरीचा पोस्टमार्टम सुरू झाले आहे. ऑस्ट्रेलिया दौऱ्यावर रोहित व विराट यांच्या कामगिरीकडे आता चाहत्यांचेच नव्हे तर BCCI चेही लक्ष असणार आहे. ही मालिका रोहित, विराट, आर अश्विन व रवींद्र जडेजा या सीनियर्ससाठी शेवटची संधी असल्याचे म्हटले जात आहे. त्यामुळेच रोहित शर्मा ऑस्ट्रेलिया मालिकेनंतर कसोटीतूनही निवृत्ती घेईल असा दावा भारताच्या माजी क्रिकेटपटूने केला आहे.