Duleep Trophy Teams: रोहित, विराट नाहीच! ऋतुराज, श्रेयस यांच्याकडे नेतृत्व; स्टार खेळाडू मैदानात

BCCI Announced Duleep Trophy 2024-25 Squads: दुलीप ट्रॉफी २०२४-२५ स्पर्धेला ५ सप्टेंबरपासून सुरुवात होणार आहे. या स्पर्धेने भारतात २०२४-२५ च्या क्रिकेट हंगामाला सुरुवात होत आहे.

या स्पर्धेच्या पहिल्याच सामन्यात अनेक मोठे खेळाडू खळताना दिसणार आहेत. या स्पर्धेत ए, बी, सी आणि डी असे चार संघ खेळणार असून पहिल्या फेरीतील सामन्यांसाठी संघांची घोषणा झाली आहे.

प्रथम श्रेणी क्रिकेटचा भाग असलेल्या या स्पर्धेच्या पहिल्या सामन्याच्या ठिकाणात यापूर्वीच बदल आला होता. हा सामना आता अनंतपूर ऐवजी बंगळुरूला होणार आहे. दरम्यान पहिल्या फेरीत रोहित शर्मा, विराट कोहली खेळणार असल्याची चर्चा होती. मात्र, त्यांचं नाव चारपैकी कोणत्याच संघात नसल्याने ते खेळणार नसल्याचे स्पष्ट झाले आहे.