BCCI Meeting After loss Test Series Against NZ: भारताला न्यूझीलंडविरूद्ध २४ वर्षांनंतर घराच्या मैदानावर व्हाईट वॉशला सामोरे जावे लागले. या पराभवाचा परिणाम कसोटी अजिंक्यपद स्पर्धेच्या क्रमतालिकेवर झाला. भारत क्रमतालिकेत पहिल्या क्रमांकावरून दुसऱ्या क्रमांकावर घसरला. या एकतर्फी पराभवानंतर बीसीसीआयकडून आढावा बैठक घेण्यात आली. ज्यामध्ये तिसऱ्या कसोटी संघात अचानक करण्यात आलेल्या बदलामुळे प्रशिक्षक गौतम गंभीरला प्रश्न विचारण्यात आले व गंभीरच्या कोचिंग शैलीवर चर्चा करण्यात आली.