Gautam Gambhir PC Before IND vs AUS Test Series: ऑस्ट्रेलिया दौऱ्यासाठी भारताची दुसरी तुकडी आज रवाना होणार आहे. त्यापूर्वी भारतीय संघाचा मुख्य प्रशिक्षक गौतम गंभीर याने पत्रकार परिषद घेतली. कर्णधार रोहित शर्मा ( Rohit sharma) संघासोबत ऑस्ट्रेलिया दौऱ्यावर येतोय का? तो पहिली कसोटी खेळणार का? तो नसेल तर कॅप्टन कोण, ओपनिंगला कोण येईल? अशा अनेक प्रश्नांचा भडिमार गंभीरवर करण्यात आला आणि त्यानेही तितक्याच सफाईने सर्व उत्तरं दिली. भारतीय संघ २२ नोव्हेंबरपासून ऑस्ट्रेलियात ५ सामन्यांची बॉर्डर गावस्कर ट्रॉफी खेळणार आहे. या सामन्यासाठी भारतीय संघाची एक तुकडी कालचऑस्ट्रेलियासाठी रवाना झाली.