Glenn Maxwell on Virat Kohli: भारताचा स्टार फलंदाज विराट कोहली आणि ग्लेन मॅक्सेवल इंडियन प्रीमियर लीग स्पर्धेत रॉयल चॅलेंजर्स बंगळुरू संघाकडून एकत्र खेळतात. गेल्या तीन वर्षांपासून हे दोघे या संघाकडून एकत्र खेळत असल्याने त्यांच्यात सध्या चांगली मैत्रीही आहे. पण असे असले तरी काही वर्षांपूर्वी परिस्थिती वेगळी होती.
याबाबत नुकेतच ग्लेन मॅक्सवेलने खुलासा केला आहे. त्याने सांगितले आहे की विराटने त्याला २०१७ मध्ये इंस्टाग्रामवर ब्लॉक केले होते. ही गोष्ट त्याला चार वर्षांनी बंगळुरू संघात आल्यानंतर कळाली होती.
साल २०२१ आयपीएलसाठी बंगळुरू संघाने मॅक्सवेलला १४.२५ कोटी रुपयांमध्ये खरेदी केले होते. त्या हंगामात मॅक्सवेल अफलातून फॉर्ममध्ये होता. त्याने विराट आणि एबी डिविलियर्ससोबत फलंदाजी करताना ५०० हून अधिक धावा ठोकल्या होत्या.
