Ranji Trophy 2024 : गोवा संघाचे फलंदाज कश्यप बाळके ( ३००*) आणि स्नेहल कौठणकर ( ३१४*) यांच्या त्रिशतकी खेळीने रणजी करंडक स्पर्धेत विश्वविक्रमी कामगिरी केली.अरुणाचल प्रदेश विरुद्धच्या लढतीत गोवा संघाने पहिला डाव २ बाद ७२७ धावांवर घोषित केला. त्याआधी अर्जुन तेंडुलकरच्या ( ५ विकेट्स) भेदक माऱ्यासमोर अरुणाचल प्रदेशचा पहिला डाव ८४ धावांवर गडगडला. कश्यप व स्नेहल यांच्या फटकेबाजीने गोवा क्रिकेट असोसिएशनचे मैदान गाजवले.