Goa vs Arunachal Pradesh:गोवा संघाने रणजी करंडक स्पर्धेच्या इतिहासीत सर्वात मोठ्या विजयाची नोंद गुरुवारी केली. अरुणाचल प्रदेश संघाविरुद्धच्या लढतीत गोवाने मिळवलेला विजय हा आतापर्यंतचा सर्वात मोठा ठरला. Arjun Tendulkar ने पहिल्या डावात ५ विकेट्स घेऊन या विजयात सिंहाचा वाटा उचलला होता. त्यानंतर कश्यप बाळके आणि स्नेहल कौठणकर यांच्या त्रिशतकाने संघाला मोठी आघाडी मिळवून दिली. गोवाने त्यांचा डाव २ बाद ७२७ धावांवर घोषित केला. त्यांनी ७.९०च्या सरासरीने या धावा कुटल्या आणि प्रथम श्रेणी क्रिकेटमध्ये ७००+ धावा करणाऱ्या संघामध्ये ही सर्वोत्तम सरासरी आहे.