Harshit Rana in Ranji Trophy: भारताचा २२ वर्षीय वेगवान गोलंदाज हर्षित राणाला आगामी ऑस्ट्रेलिया दौऱ्यासाठी भारतीय संघात संधी मिळाली आहे. या दौऱ्यात भारतीय संघाला बॉर्डर-गावसकर ट्रॉफी ही ५ सामन्यांची कसोटी मालिका खेळायची आहे.
या बहुप्रतिक्षित मालिकेसाठी काही दिवसांपूर्वीच भारतीय संघाची घोषणा करण्यात आली आहे. या संघात हर्षित राणाचीही निवड झाली असल्याने आता त्याला कसोटी क्रिकेटमध्येही पदार्पणाची संधी मिळू शकते.
दरम्यान, त्याच्याकडे प्रथम श्रेणीचा कमी अनुभव असल्याने त्याच्या निवडीवर अनेकांनी शंका घेतली होती. मात्र नुकतेच रणजी ट्रॉफीमध्ये अष्टपैलू कामगिरी करत त्याने टीकाकारांना सध्यातरी चोख उत्तर दिले आहे.
