BCCI Central Contract : करारात नाही तरी... सर्फराज खान अन् ध्रुव जुरेल होणार मालामाल! BCCIने बनवला खास नियम

BCCI Central Contract Sarfaraz Khan Dhruv Jurel : भारतीय क्रिकेट नियामक मंडळाने (BCCI) बुधवारी खेळाडूचा वार्षिक केंद्रीय करार जारी केला आहे. 2023-24 या वर्षासाठी जारी करण्यात आलेल्या या करारामध्ये सध्या 30 खेळाडूंना स्थान मिळाले आहे.

पण त्याशिवाय काही नावे प्रस्तावित असल्याची माहिती बीसीसीआयने दिली आहे. याशिवाय मंडळाने विशेष नियमही केला आहे. याअंतर्गत सर्फराज खान आणि ध्रुव जुरेल या खेळाडूंनाही केंद्रीय करारामध्ये प्रवेश मिळणार आहे. आतापर्यंत या दोन्ही खेळाडूंनी प्रत्येकी दोन कसोटी सामने खेळले आहेत.

बीसीसीआयने बनवला खास नियम

बीसीसीआयने आपल्या विशेष नियमात म्हटले आहे की, 2024 च्या या ताज्या कराराच्या कालावधीत ज्या खेळाडूंनी किमान 3 कसोटी सामने किंवा 8 एकदिवसीय सामने किंवा 10 टी-20 आंतरराष्ट्रीय सामने खेळले आहेत, त्यांनाच या करारात स्थान मिळेल.

याअंतर्गत श्रेयस अय्यर आणि इशान किशन यांना वगळण्यात आले आहे. सर्फराज खान आणि ध्रुव जुरेल यांनी धर्मशाळा येथे पाचवी कसोटी खेळल्यास त्यांना आपोआप सी ग्रेडमध्ये प्रवेश मिळेल, अशी माहिती बीसीसीआयने दिली आहे. सध्या बीसीसीआयने 15 खेळाडूंना सी ग्रेडमध्ये स्थान दिले आहे. या श्रेणीतील खेळाडूंना वर्षाला एक कोटी रुपये मिळतात.

या युवा खेळाडूंना लागली लॉटरी

बीसीसीआयने प्रथमच अनेक युवा खेळाडूंना केंद्रीय करारामध्ये स्थान दिले आहे. त्या खेळाडूंची नावे पुढीलप्रमाणे रिंकू सिंग, यशस्वी जैस्वाल, ऋतुराज गायकवाड, रजत पाटीदार, जितेश शर्मा, रवी बिश्नोई, शिवम दुबे, तिलक वर्मा, केएस भरत, मुकेश कुमार.

जागा कोणाला मिळाली?

ग्रेड A+ : रोहित शर्मा, विराट कोहली, जसप्रीत बुमराह आणि रवींद्र जडेजा.

ग्रेड A : रविचंद्रन अश्विन, मोहम्मद शमी, मोहम्मद सिराज, केएल राहुल, शुभमन गिल आणि हार्दिक पांड्या.

ग्रेड ब : सूर्यकुमार यादव, ऋषभ पंत, कुलदीप यादव, अक्षर पटेल आणि यशस्वी जैस्वाल.

ग्रेड सी : रिंकू सिंग, तिलक वर्मा, ऋतुराज गायकवाड, शार्दुल ठाकूर, शिवम दुबे, रवी बिश्‍नोई, जितेश शर्मा, वॉशिंग्टन सुंदर, मुकेशकुमार, संजू सॅमसन, अर्शदीप, के. एस. भारत, प्रसिद्ध कृष्णा, आवेश खान, रजत पाटीदार.