IND A vs AUS A Video: ऑस्ट्रेलियाच्या मैदानावर भारतीय खेळाडूंचा साधेपणा, Mukesh Kumar ने स्वत:च केली खेळपट्टी दुरुस्त

IND A vs AUS A 1st Test: भारत 'अ' संघ सध्या ऑस्ट्रेलिया दौऱ्यावर आहे. भारत 'अ'- ऑस्ट्रेलिया 'अ' दरम्यान मॅके येथे पहिला कसोटी सामना सुरू आहे. सामन्यातील अंतिम दिवसाचा खेळ बाकी असून ऑस्ट्रेलियाला जिंकण्यासाठी ८६ धावांची आवश्यकता आहे. भारताने दुसऱ्या डावात ३१२ धावा केल्या व ऑस्ट्रेलियाला २२५ धावांचे लक्ष्य दिले. प्रत्युत्तरात फलंदाजीसाठी आलेल्या ऑस्ट्रेलियाच्या दुसऱ्या डावादरम्यान भारतीय खेळाडू खेळपट्टीची दुरूस्ती करताना पाहायला मिळाले. भारतीय खेळडूंचा हा व्हिडीओ सोशल मीडियावर व्हायरल होत आहे.

खेळपट्टी दुरूस्त करणाऱ्या कामगाराकडू (Groundskeeper) हातोडा घेऊन पहिल्या डावात ६ विकेट्स घेणारा भारतीय गोलंदाज मुकेश कुमार खेळपट्टी नीट करताना पाहायाला मिळाला. मुकेशसह यावेळी तिथे कर्णधार ऋतुराज गायकवाड, यष्टीरक्षक इशान किशन व गोलंदाज नवदीप सैनीही उपस्थित होता. परदेशातील मैदानवरील भारतीय खेळाडूंचा साधेपणा दाखवणारा हा व्हिडीओ नेटकऱ्यांना भावतो आहे.

पहिल्या डावात ऑस्ट्रेलियन गोलंदाज ब्रेंडन डगेटने भारताचे ६ विकेट्स घेतले होते. या डावात भारताला अवघ्या १०७ धावा करता आल्या. प्रत्युत्तरात भारतीय वेगवान गोलंदाज मुकेश कुमारने ऑस्ट्रेलियाचे ६ विकेट्स घेतले आणि भारताने ऑस्ट्रेलियाचा डाव १९५ धावांवर गुंडाळला. ऑस्ट्रेलियाने सामन्यात ८८ धावांची आघाडी घेतली.

भारताने दुसऱ्या सामन्यात ३१२ धावांची खेळी करत पुनरागमन केले. या डावात साई सुदर्शनने १०३ धावांची शतकीय खेळी केली. तर देवदत्त पडिक्कलचे शतक १२ धावांनी हुकले. पडिक्कलने ८८ धावांचे योगदान दिले. सुदर्शन आणि पडिक्कलच्या जोडीने तिसऱ्या विकेटसाठी १९६ धावांची भागीदारी केली. भारताने दुसऱ्या डावानंतर सामन्यात २२४ धावांची आघाडी घेत ऑस्ट्रेलियाला २२५ धावांचे लक्ष्य दिले.

प्रत्युत्तरात ऑस्ट्रेलियाने तिसऱ्या दिवसाअंतीपर्यंत २ विकेट्स गमावत १३९ धावा केल्या आहेत. त्यामळे लक्ष्य आणखी सोपे झाले आहे. ऑस्ट्रेलियाने दुसऱ्या डावातील पहिला विकेट २२ धावांवर गमावला. सॅम कॉन्स्टस १६ धावा करून बाद झाला. २५ व्या षटकात मानव सुतारच्या गोलंदाजीवर भारताला दुसरा विकेट्स मिळाला. कॅमरॉन बॅंक्रॉफ्टलाही अवघ्या १६ धावा करता आल्या. त्यानंतर मैदानावर स्थिरावण्यासाठी ८२ चेंडू घेतलेला मार्कस हॅरिस ३२ धावा करून बाद झाला. सध्या ऑस्ट्रेलियाचा कर्णधार नेथन मॅकस्विनी (४७) व बीऊ वेबस्टर (१९) धावांवर खेळत आहेत.