KL Rahul vs Abhimanyu Easwaran : भारत-ऑस्ट्रेलिया यांच्यातल्या पाच सामन्यांच्या कसोटी मालिकेला २२ नोव्हेंबरपासून सुरू होणार आहे. या कसोटी मालिकेच्या पहिल्या दोन सामन्यांना कर्णधार रोहित शर्मा ( Rohit Sharma) मुकण्याचा अंदाज आहे. अशा परिस्थितीत सलामीच्या जागेसाठी कोण, हा प्रश्न चाहत्यांना पडला आहे आणि त्याचे उत्तर बीसीसीआयने अप्रत्यक्षपणे दिले आहे. टीम इंडियाच्या निवड समितीने लोकेश राहुल व ध्रुव जुरेल यांचा भारत अ संघात समावेश केला आहे. मेलबर्न येथे गुरुवारपासून ऑस्ट्रेलिया अ विरुद्धच्या दुसऱ्या प्रथम श्रेणी सामन्यासाठी भारत अ संघात बदल केला गेला आहे. दक्षिण आफ्रिका दौऱ्यासाठी भारताच्या T20I संघात स्थान मिळालेल्या यश दयालच्या जागी प्रसिध कृष्णाचा संघात समावेश करण्यात आला होता.