India vs Australia 1st Test : पर्थ कसोटीने एकदम यू टर्न मारलेला दिसतोय... पहिल्या दिवशी ज्या खेळपट्टीवर १७ विकेट्सचा पाऊस पडला, त्याच खेळपट्टीने दुसऱ्या दिवशी विकेट्सचा दुष्काळ अनुभवला भारताचा पहिला डाव १५० धावांवर गडगडल्यानंतर ऑस्ट्रेलियाने १०४ धावांवर माना टाकल्या. दुसऱ्या डावात काय होतं, याची सर्वांचा उत्सुकता होती. पण, यशस्वी जैस्वाल ( Yashasvi Jaiswal) आणि लोकेश राहुल यांनी दुसऱ्या डावात १७२ धावांची भागीदारी करून संघाला दोनशेपार आघाडी मिळवून दिली.