Border-Gavaskar Trophy 2024-25: आगामी बॉर्डर गावस्कर ट्रॉफीची ऑस्ट्रेलियामध्ये जोरदार चर्चा सुरू झाली आहे. भारत-ऑस्ट्रेलिया संघादरम्यानची ही मालिका नेहमीच सन्मानाची मालिका समजली जाते. त्यात आता जागतिक कसोटी अजिंक्यपद फायनलच्या दृष्टीने निर्णायक ठरल्यामुळे मालिकेची तीव्रता आणि उत्सुकता आणखी वाढली आहे.
ऑस्ट्रेलियात होणाऱ्या या मालिकेसाठी ऑस्ट्रेलियन संघासोबत मीडियाही स्पर्धेच्या तयारीला लागली आहे. यजमान ऑस्ट्रेलियाकडून वृत्तपत्रांमध्ये भारतीय खेळाडूंच्या हिंदीमधून बातम्या देण्यात आल्या आहेत. वृत्तपत्रांमध्ये विराट कोहली, यशस्वी जैस्वाल, ऋषभ पंतसारख्या भारतीय खेळाडूंचे हिंदी मजकूर असलेले पूर्ण पानाचे पोस्टर छापून आले आहेत.
