IND vs AUS Perth Test: भारत-ऑस्ट्रेलिया पहिल्या कसोटीपूर्वी पाहुण्या टीम इंडियाला धक्क्यांमागून धक्के बसत आहेत. शुभमन गिलचा अंगठा सराव सामन्यात क्षेत्ररक्षण करताना फ्रॅक्चर झालाय आणि तो पहिल्या कसोटीला मुकणार आहे. KL Rahul लाही दुखापत झाली होती आणि त्याच्या खेळण्यावर प्रश्नचिन्ह आहेच. कर्णधार रोहित शर्माच्या गैरहजेरीत लोकेश राहुलकडे सलामीवीर म्हणून पाहिले जात आहे. अशात रोहित २२ नोव्हेंबरपासून सुरू होणाऱ्या पहिल्या कसोटीपूर्वी ऑस्ट्रेलियात दाखल होणार असल्याचे वृत्त समोर आले आहे आणि तो एकटा नाही, तर सोबत भारी गोलंदाजाला घेऊन जाणार आहे.