India vs Australia Test Series: भारत-ऑस्ट्रेलिया यांच्यातल्या कसोटी मालिकेला २२ नोव्हेंबरपासून पर्थ येथून सुरुवात होत आहे. ऑस्ट्रेलियात येण्यापूर्वी टीम इंडियाला घरच्या मैदानावर न्यूझीलंडकडून ०-३ असा सपाटून मार खावा लागला. तीन सामन्यांच्या मालिकेत रोहित शर्मा व विराट कोहली या अनुभवी फलंदाजांना अपयश आले होते. आगामी ऑस्ट्रेलिया दौऱ्यावर रोहित वैयक्तिक कारणामुळे अजून आलेला नाही आणि विराटवर मोठी जबाबदारी असणार आहे.