India vs Australia Test Series : भारत-ऑस्ट्रेलिया कसोटी मालिकेची उत्कंठा शिगेला पोहोचली आहे. ऑस्ट्रेलियातील वृत्तपत्रांमध्ये हिंदी, बंगाली अशा भारतीय भाषेतील मथळे प्रसिद्ध झाले आहेत.. विराट कोहलीला तर ऑस्ट्रेलियन मीडियाने डोक्यावर उचलले आहे. या मालिकेसाठी भारतीय खेळाडूंमध्ये पहिलं कोण आलं असेल तर तो विराट कोहली, अशा फोटो कॅप्शन स्थानिक वृत्तपत्रांमध्ये छापण्यात आल्या. पण, खरं काही वेगळं आहे. विराटच्या आधी ध्रुव जुरेल, लोकेश राहुल, अभिमन्यू ईश्वरन हे ऑस्ट्रेलिया दौऱ्यावर होते. मात्र, विराटची क्रेझच एवढी आहे की त्यासाठी वृत्तपत्रातील पानं राखीव ठेवायला कोणालाही काहीच हरकत नाही. २२ नोव्हेंबरपासून सुरू होणाऱ्या कसोटी मालिकेसाठी भारतीय संघाने आजपासून सरावाला सुरुवात केली. मात्र, यात विराट कोहली कुठेच दिसला नाही.