India vs Australia Test Series: भारत-ऑस्ट्रेलिया यांच्यातल्या पाच सामन्यांच्या कसोटी मालिकेला २२ नोव्हेंबरपासून सुरुवात होत आहे. रोहित शर्माच्या गैरहजेरीत पहिल्या कसोटीत जसप्रीत बुमराह संघाचे नेतृत्व करण्याची शक्यता आहे. त्यात रोहित नसल्याने अनुभवी फलंदाज विराट कोहली ( Virat Kohli) याच्यावर खूप मोठी जबाबदारी असणार आहे. रोहितच्या जागी सलामीला कोण? हे अद्याप अनुत्तरीत आहे. KL Rahul आणि अभिमन्यू ईश्वरन हे दोन पर्याय टीम इंडियाकडे आहे, परंतु त्यांचा सध्याचा फॉर्म हा चिंतेची बाब आहेच. त्यात आता आणखी भर पडली आहे. कालच्या सराव सत्रात स्फोटक फलंदाज सर्फराज खान याच्या कोपऱ्याला दुखापत झाली. त्यात आणखी एका प्रमुख फलंदाजाला सराव सामन्यात दुखापत झाली आणि त्याने मैदान सोडले.