Australia Squad for Test series vs India: भारताविरुद्धच्या कसोटी मालिकेतील पहिल्या सामन्यासाठी ऑस्ट्रेलियाने १३ सदस्यीय संघाची घोषणा केली. पर्थमधील बॉर्डर-गावस्कर ट्रॉफीच्या सलामीच्या सामन्यात नॅथन मॅकस्विनी ( Nathan McSweeney) कसोटी पदार्पण करण्यासाठी सज्ज झाला आहे. पण, निवड समितीने १३ खेळाडूंच्या संघात जोश इंग्लिसचा ( Josh Inglis ) समावेश करून सर्वांना आश्चर्यचकित केले आहे. इंग्लिस जो आज पर्थ येथे पाकिस्तान विरुद्धच्या तिसऱ्या वन डे सामन्यात ऑस्ट्रेलियाचे कर्णधारपद भूषवणार आहे. इंग्लिसला यापूर्वी राष्ट्रीय निवड समितीचे अध्यक्ष जॉर्ज बेली यांनी सलामीचा फलंदाज म्हणून नाकारले होते. तरीही त्याला संधी दिल्याने टीका होण्याची शक्यता आहे.