R Ashwin Century and Ravindra Jadeja Fifty: भारतीय क्रिकेट संघ जवळपास दीड महिन्याच्या विश्रांतीनंतर अखेर गुरुवारी मैदानात उतरला. गुरुवारपासून भारताचा बांगलादेशविरुद्ध कसोटी मालिकेतील पहिला सामना चेन्नईच्या एमए चिदंबरम स्टेडियमवर (चेपॉक) सुरू झाला आहे.
या सामन्याचा पहिला दिवस भारताकडून आर अश्विन आणि रविंद्र जडेजाने, तर बांगलादेशकडून हसन मेहमुदने गाजवला. पहिल्या दिवसाखेर भारतीय संघाने ८० षटकात ६ बाद ३३९ धावा केल्या. अश्विन शतक करून नाबाद आहे, तर जडेजानेही नाबाद अर्धशतक झळकावले आहे.
या सामन्यात बांगलादेशचा कर्णधार नजमुल हुसैन शांतो याने नाणेफेक जिंकली आणि ढगाळ वातावरण पाहून प्रथम गोलंदाजी करण्याचा निर्णय घेतला. बांगलादेशसाठी गोलंदाजीची सुरुवातही चांगली झाली.
