सबस्क्राईब करा
India vs Bangladesh 2nd Test : भारतीय संघाने कानपूर कसोटीवर वर्चस्व गाजवले आहे. ५२ धावांची आघाडी घेऊन त्यांनी बांगलादेशला पुन्हा फलंदाजीला बोलावले. आर अश्विन व रवींद्र जडेजा यांच्या फिरकीसमोर बांगलादेशने पुन्हा गुडघे टेकले आहेत.
भारताने चौथ्या दिवशी कमाल केली. बांगलादेशचा पहिला डाव २३३ धावांवर गुंडाळल्यानंतर भारतीय फलंदाजांनी ट्वेंटी-२० स्टाईल फटकेबाजी केली. ३ षटकांत ५० धावा, १०.१ षटकांत फलकावर शतक, १८.२ षटकांत १५० धावा, २४.२ षटकांत २०० धावा अन् ३०.१ षटकांत २५० धावांचा टप्पा ओलांडून भारतीय संघाने विक्रम नोंदवले. कसोटी क्रिकेटमध्ये हे पाचही टप्पे वेगाने पार करणारा तो जगातील एकमेव संघ ठरला.
भारताने ९ बाद २८५ धावांवर डाव घोषित करून ५२ धावांच्या आघाडीसह बांगलादेशला पुन्हा फलंदाजीला बोलावले. रोहित शर्माने ही चतुर चाल खेळून भारताला अशक्यप्राय विजयासाठी प्रेरित केले. आर अश्विनने चौथ्या दिवसाच्या शेवटच्या सत्रात दोन धक्के दिल्याने बांगलादेशची अवस्था २ बाद २६ अशी केली. पाचव्या दिवसाच्या पहिल्याच सत्रात अश्विनने आणखी एक धक्का दिला. पहिल्या डावातील शतकवीर मोमिनूल हकला ( २) त्याने स्लीपमध्ये लोकेश राहुलकरवी झेलबाद केले.
आशियाई खंडात आर अश्विनने १०० विकेट्स पूर्ण केल्या आणि असा पराक्रम करणारा तो तिसरा गोलंदाज ठरला. या लिस्टमध्ये मुथय्या मुरलीधरन ( १६७), अनिल कुंबळे ( १०२) हे त्याच्या पुढे आहेत. कसोटीच्या तिसऱ्या डावात सर्वाधिक विकेट्स घेणाऱ्यांमध्येही अश्विनने पाचवे स्थान पटकावले आहे. त्याने १६९ विकेट्ससह जेम्स अँडरसनला ( १६६) मागे टाकले.
रवींद्र जडेजाने त्यानंतर सलग दोन षटकांत नजमूल शांतो ( १९) व लिटन दास ( १) या प्रमुख खेळाडूंना बाद केले. आकाश दीपने मोठा धक्का देताना अर्धशतकवीर शादमन इस्लामला ( ५०) बाद केले. बांगलादेशचे ६ फलंदाज ९४ धावांत माघारी परतले. जडेजाने तिसरी विकेट घेताना शाकिब अल हसनला ( ०) बाद केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
