India vs New Zealand 1st Test: बंगळुरुमध्ये होत असलेल्या न्यूझीलंडविरुद्धच्या पहिल्या कसोटी सामन्यात भारतीय संघाने दुसऱ्या दिवसाच्या खराब खेळानंतर तिसऱ्या दिवशी पुनरागमन करण्याचा प्रयत्न केला. मात्र, भारताचे हे प्रयत्न रचिन रविंद्र आणि टीम साऊदी यांनी अपयशी ठरवले.
या सामन्यात भारताने न्यूझीलंडला पहिल्या डावात ९१.३ षटकात ४०२ धावांवर सर्वबाद केले आहे. त्यामुळे न्यूझीलंड ३५६ धावांची आघाडी घेण्यात यशस्वी ठरले आहेत. ही न्यूझीलंडने परदेशात घेतलेली पाचव्या क्रमांकाची सर्वोच्च आघाडी ठरली आहे.
४१२ धावा - विरुद्ध झिम्बाब्वे, बुलवायो, २०१६
३९३ धावा - विरुद्ध झिम्बाब्वे, हरारे, २००५
३७४ धावा - विरुद्ध ऑस्ट्रेलिया, ब्रिस्बेन, १९८५
३६३ धावा - विरुद्ध बांगलादेश, चितगाव, २००४
३५६ धावा - विरुद्ध भारत, बंगळुरू, २०२४
या सामन्यातील पहिला दिवस पावसामुळे वाया गेल्याने दुसऱ्या दिवशी खेळाला सुरुवात झाली. दुसऱ्या दिवशी भारताचा संघ ४६ धावांवरच सर्वबाद झाला होता. त्यानंतर न्यूझीलंडने शानदार फलंदाजी करताना दुसऱ्या दिवस अखेर ५० षटकात ३ बाद १८० धावा केल्या होत्या. त्यानंतर तिसऱ्या दिवशी पुढे न्यूझीलंडने खेळायला सुरुवात केली.
