IND vs NZ 1st Test: न्यूझीलंडच्या फलंदाजांनी धावांचा डोंगर उभारल्यानंतर टीम इंडियाकडून दमदार खेळ पाहायला मिळेल अशी अपेक्षा होती. रोहित शर्मा व यशस्वी जैस्वाल या दोघांनी दुसऱ्या डावात भारताचा चांगली सुरुवातही करून दिली होती. पण, चहापानाच्या विश्रांतीनंतर सामन्याने कलाटणी घेतली. एजाज पटेलच्या गोलंदाजीवर पुढे येऊन फटका मारण्याचा यशस्वीचा प्रयत्न फसला आणि टॉम ब्लंडलने त्याला यष्टिचीत केले. त्यानंतर रोहितची दुर्दैवी विकेट पडली.