India vs New Zealand 2nd Test : भारतीय संघ पुणे कसोटीत पूर्णपणे बॅकफूटवर फेकला गेला आहे. न्यूझीलंडने पहिल्या डावातील १०३ धावांच्या आघाडीत मोठी भर घातली आहे आणि भारतीय संघाला विजयासाठी प्रचंड मेहनत घ्यावी लागणार आहे. पहिल्या डावात ७ विकेट्स घेणाऱ्या वॉशिंग्टन सुंदरने ( Washington Sundar ) दुसऱ्या डावातही उल्लेखनीय कामगिरी केली. पण, अन्य गोलंदाजांकडून त्याला अपेक्षित साथ मिळालेली नाही. न्यूझीलंडचा कर्णधार Tom Latham चे शतक थोडक्यात हुकले, पण, न्यूझीलंडने तीनशेपार आघाडी घेतली आहे.