India vs New Zealand 3rd Test Marathi Update : भारतीय संघ तीन कसोटी सामन्यांच्या मालिकेत ०-२ अशा पिछाडीवर आहे आणि तिसऱ्या कसोटीत पराभव टाळून नाचक्की टाळण्याचे आव्हान त्यांच्यासमोर आहे. बंगुळुरू कसोटीत टॉसचा घोळ घातल्यानंतर पुणे कसोटीसाठी भारताने फिरकीला पोषक खेळपट्टी केली. पण, मिचेल सँटनरच्या फिरकीसमोर भारतीय फलंदाज ढेपाळले आणि किवींनी दुसरी कसोटी जिंकून मालिकेत २-० अशी विजयी आघाडी घेतली. १२ वर्षानंतर भारतीय संघ घरच्या मैदानावर कसोटी मालिका हरला. त्यामुळे भारताचे जागतिक कसोटी अजिंक्यपद स्पर्धेतील गणित बिघडले आणि त्यांना मुंबईत सुरू होणारी तिसरी कसोटी जिंकणे महत्त्वाचे झाले आहे.