India vs New Zealand 3rd Test: मुंबईतील वानखेडे स्टेडियमवर सुरू असलेल्या कसोटी सामन्यात भारताविरुद्ध न्यूझीलंड संघाचा दुसरा डाव ४५.५ षटकात १७४ धावांवर संपुष्टात आला. पण भारताने पहिल्या डावात २८ धावांची आघाडी घेतल्याने आता भारतासमोर विजयासाठी १४७ धावांचे लक्ष्य असेल. भारताकडून या डावात रविंद्र जडेजाने पुन्हा ५ विकेट्स घेतल्या.
आता भारतासमोर हे आव्हान पुर्ण करून प्रतिष्ठा राखण्याचं आव्हान आहे. कारण न्यूझीलंडने यापूर्वीच मालिकेतील पहिले दोन सामने जिंकले असल्याने मालका विजय निश्चित केला आहे. त्यामुळे आता व्हाईटवॉश टाळण्यासाठी भारताला विजय गरजेचा आहे.
