सबस्क्राईब करा
India vs New Zealand 2nd Test in Pune: भारतीय संघाने तब्बल १२ वर्षांनंतर कसोटी मालिकेत मायदेशात पराभव स्वीकारला आहे. शनिवारी न्यूझीलंड संघाने पुण्यात झालेल्या कसोटी मालिकेतील दुसऱ्या सामन्यात ११३ धावांनी पराभूत केले. न्यूझीलंडने बंगळुरूला झालेल्या मालिकेतील पहिल्या सामन्यातही ८ विकेट्सने विजय मिळवला होता.
त्यामुळे न्यूझीलंडने तीन सामन्यांच्या या कसोटी मालिकेत २-० अशी आघाडी घेतली असून मालिकाही खिशात टाकली आहे. न्यूझीलंडने भारताच कसोटी मालिका जिंकण्याची ही पहिलीच वेळ आहे. दरम्यान, या पराभवानंतर भारताचा कर्णधार रोहित शर्माने न्यूझीलंडच्या चांगल्या खेळाला श्रेय दिले असून काय चूक झाली, यावरही भाष्य केले आहे.
