India vs New Zealand 3rd Test: न्यूझीलंड क्रिकेट संघाने मुंबईच्या वानखेडे स्टेडियमवर भारताविरुद्ध झालेला तिसऱ्या कसोटी सामन्यात तिसऱ्याच दिवशी २५ धावांनी विजय मिळवला. या विजयासह न्यूझीलंडने मालिकाही ३-० अशा फरकाने जिंकत भारताला व्हाईटवॉश दिला.
मायदेशात पहिल्यांदाच भारताला तीन किंवा त्यापेक्षा अधिक सामन्यांच्या कसोटी मालिकेत व्हाईटवॉशचा सामना करावा लागला आहे. भारताने तब्बल १२ वर्षांनी कसोटी मालिकाही मायदेशात खेळताना पराभूत झाली आहे.
आत्तापर्यंत भारताने मायदेशात तीन किंवा त्यापेक्षा अधिक सामन्यांच्या ६५ कसोटी मालिका खेळल्या असून ३७ मालिका जिंकल्या आहेत. यातील ५ मालिकेत भारताने प्रतिस्पर्ध्यांना व्हाईटवॉश दिला. पण पहिल्यांदाच भारताला व्हाईटवॉश स्वीकारावा लागला आहे.
या सामन्यात न्यूझीलंडने भारतासमोर १४७ धावांचे आव्हान ठेवले होते. या आव्हानाचा पाठलाग करताना भारताचा दुसरा डाव २९.१ षटकात १२१ धावांवर सर्वबाद झाला.
