सबस्क्राईब करा
India vs New Zealand Women ODI: न्यूझीलंड महिला संघाने रविवारी (२७ ऑक्टोबर) भारतीय महिला संघाविरुद्ध दुसऱ्या वनडे सामन्यात ७६ धावांनी विजय मिळवला. या विजयासह वनडे मालिकेत न्यूझीलंडने १-१ अशी बरोबरी साधली आहे. पहिल्या सामन्यात भारताने मोठा विजय मिळवला होता. पण दुसऱ्या सामन्यात न्यूझीलंडने पुनरागमन करत विजय मिळवला.
न्यूझीलंडच्या या विजयात कर्णधार सोफी डिव्हाईनने मोलाचा वाटा उचलला. तिने या सामन्यात केलेली अष्टपैलू कामगिरी महत्त्वाची ठरली. तसेच भारताच्या राधा यादवनेही तिच्या अष्टपैलू खेळाने सर्वांचे लक्ष वेधले.
या सामन्यात न्यूझीलंडने भारतासमोर २६० धावांचे लक्ष्य ठेवले होते. या लक्ष्याचा पाठलाग करताना भारतीय महिला संघाला ४७.१ षटकात सर्वाबाद १८३ धावाच करता आल्या.
