सबस्क्राईब करा
India vs New Zealand Pune Test: भारतीय संघ गुरुवारपासून (२४ ऑक्टोबर) न्यूझीलंडविरुद्ध कसोटी मालिकेतील दुसरा सामना खेळत आहे. पुण्यातील महाराष्ट्र क्रिकेट असोसिएशन स्टेडियमवर हा सामना सुरू असून दोन्ही संघात चूरस दिसून येत आहे. दरम्यान, या सामन्यातील विराट कोहलीचे दोन व्हिडिओ सध्या व्हायरल होत आहेत.
विराट अनेकदा सामन्यांदरम्यान मैदानाच मजेशीर गोष्टी करत असतो. कधी तो डान्स करताना दिसतो, तर कधी विचित्र कृतीकरून चाहत्यांचे मनोरंजन करतो. असाच प्रकार पुणे कसोटीच्या पहिल्या दिवशीही दिसला.
गुरुवारी तो फलंदाजी आलेली नसतानाही पॅड वैगरे बांधून बॅट घेऊन मैदानात मस्ती करण्यासाठी आला होता. यावेळी तो अ‍ॅक्टींग करतानाही दिसला. चाहत्यांच्या मते तो शुभमन गिलची अ‍ॅक्टींग करत होता. त्याच्या अ‍ॅक्टींगने न्यूझीलंड खेळाडूंचेही लक्ष वेधले होते, या घटनेचे व्हिडिओ व्हायरल झाले आहेत.
