Hong Kong International Sixes 2024: हाँग काँग इंटरनॅशनल सिक्सेस ही स्पर्धा ७ वर्षांनंतर यंदा पुन्हा सुरू करण्यात आली असून अनोख्या पद्धतीने आणि नियमांनी खेळल्या जाणाऱ्या या स्पर्धेत रॉबिन उथप्पाच्या नेतृत्वात भारतीय संघही खेळत आहे.
मात्र या स्पर्धेत भारताला शुक्रवारी पहिल्याच सामन्यात पाकिस्तानविरुद्ध पराभूत व्हावं लागलं. ६-६ षटकांचा आणि ६-६ खेळाडूंमध्ये खेळल्या जाणाऱ्या या स्पर्धेत पाकिस्तानने भारताविरुद्ध ६ चेंडू राखून आणि ६ विकेट्सने विजय मिळवला.
माँग कॉकला झालेल्या या सामन्यात पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. त्यामुळे भारतीय संघ प्रथम फलंदाजीसाठी उतरला.
