IND vs SL 1st ODI Live : १६९१ दिवसानंतर पहिली विकेट; रोहितच्या 'लाडक्या'ने संधीचं केलं सोनं

India vs Sri Lanka 1st ODI Live Update - रोहित शर्माच्या नेतृत्वाखाली मैदानावर उतरलेल्या टीम इंडियाने पहिल्या वन डे सामन्यात पकड घेतलेली दिसतेय. भारतीय संघाने पहिल्या १३.१ षटकांत श्रीलंकेचे दोन फलंदाज बाद केले आहेत. रोहितने या सामन्यात त्याच्या लाडक्या खेळाडूला संधी दिली. या खेळाडू तब्बत ५ वर्षांनी वन डे सामना खेळतोय आणि त्यानं संधीचं सोनं करताना विकेटही मिळवली.

ट्वेंटी-२० वर्ल्ड कप स्पर्धेनंतर मैदानावर परतलेल्या रोहित शर्मा व विराट कोहली यांना पाहून चाहते आनंदीत झाले. या दोघांव्यतिरिक्त लोकेश राहुल, श्रेयस अय्यर व कुलदीप यादव यांचे पुनरागमन झाले. शिवम दुबे २०१९ नंतर पहिलीच वन डे मॅच खेळायला उतरला आहे. मागील वर्ल्ड कप स्पर्धेत ज्या पद्धतीने भारताने खेळ केला, तोच खेळ वन डे मालिकेत कायम राखण्याचा रोहितचा निर्धार आहे. या सामन्यात भारतीय खेळाडू हातावर काळी फित घातून मैदानावर उतरले. भारताचे माजी कर्णधार अंशूमन गायकवाड यांचे नुकतेच कॅन्सरमुळे निधन झाले आणि त्यांना श्रद्धांजली वाहण्यासाठी टीम इंडियाने काळी फित दंडावर बांधली.

नाणेफेक जिंकून प्रथम फलंदाजीला आलेल्या श्रीलंकेला मोहम्मद सिराजने तिसऱ्या षटकात धक्का दिला. अविष्का फर्नांडो ( १) अर्शदीपच्या हाती झेल देऊन परतला. १४व्या षटकाच्या पहिल्याच चेंडूवर शिवम दुबेने कुसल मेंडिसला ( १४) पायचीत करून माघारी पाठवले. दुबेने १५ डिसेंबर २०१९ मध्ये वेस्ट इंडिजविरुद्ध चेन्नईत वन डे पदार्पण केले होते. त्यानंतर तो थेट २०२४ मध्ये दुसरी वन डे मॅच खेळण्यासाठी उतरला. दुसरा वन डे सामना खेळण्यासाठी त्याला १६९१ दिवसांची वाट पाहावी लागली आणि त्याने वन डेतील पहिली विकेटही आज मिळवली.

श्रीलंका - पथुम निसंका, अविष्का फर्नांडो, कुसल मेंडिस, सदीरा समराविक्रमा, चरिथ असलंका, जनिथ लियानागे, वनिंद हसरंगा, दुनिथ वेल्लालागे, अकिला धनंजया, असिथा फर्नांडो, मोहम्मद सिराज

भारत- रोहित शर्मा, शुभमन गिल, विराट कोहली, श्रेयस अय्यर, लोकेश राहुल, वॉशिंग्टन सुंदर, शिवम दुबे, अक्षर पटेल, कुलदीप यादव, अर्शदीप सिंग, मोहम्मद सिराज.